نائیجریا نا نیامی ہند آ تیٹی کیہی ٹک آتا سلاہ بند گروپ آتا جلہو آن خلنگ مروکا بندغ آتا کچ 160 آ سر مسُنے و 300 آن زیات بندغ ٹپیءِ ۔
پلیٹیو سٹیٹ نا پائتخت بوکوس ئٹی ہندی حکومت نا سربراہ پیر کاسہ 160 بندغ آتا خلنگ نا ہیت ئے پک کرے ۔
او پارے کہ دا سلاہ بند گروپ آک جتا جتا انگا کمیونٹیز آتا اُراتا زی آ جلہو کرینو و اُراتے ہشانو ۔
او مُستی پارے کہ دا جلہو تیان 300 آن زیات بندغ ٹپی مسُنے ہرافتے بوکوس، جوس، و بارکن لاڈی نا اسپتال تیٹی مون تننگانے ۔
یاتی مرے کہ دا ہند آ تیٹی مسلمان و عیسائی آبادی تہ نیام ئٹ نسلی و مذہبی جنگ آک مننگءُ ۔
