اسرائیلی لشکر جمعہ نا دےِ پارے کہ او غزہ نا پٹی آ زمینی کاروائی نا وخت آ مُسہ اسرائیلی قیدی تے خلکُر ۔
فوج نا جارکش رئیر ایڈمرل ڈینیل ہگاری پارے کہ اسرائیلی لشکر اوفک قیدی نا دروشم ئٹ رسینگار ولے اوفک دادے تینکن خطرہ ئس سمجھار ۔
او پارے کہ دا چائنگ متنے کہ اوفک تینا اغواء کار آتیان نَرانو یا اوفتے اوڈے یلا کننگاسس ۔
دا خلنگ آک غزہ شہر نا ہند شجاعیہ ٹی مسُر ، ہراڈےے لشکری کارندہ آک ہندا دے تیٹ حماس نا برخلاف جنگ کننگ اسُر ۔
او پارے کہ فوج دا تدینی آ سخت افسوس کیک و دا رد ئٹ پٹ و پول کننگءِ ۔
دا خلنگ مروکا آتا پڑو ہمو وخت مس ہرا وخت اسہ امریکی سفیر ئس پارے کہ امریکہ و اسرائیل حماس نا برخلاف جنگ ئٹی جنگی کاروئی تے مُچ کننگ کن اسل ٹائم ٹیبل ئسیا ہیت کننگءُ ، او دا ہیت ئے منیرہ کہ جنگ توو تہ توو اسکان برجاء مرو ۔
