پَٹّاٹ ای استو ، کسّ الّو ، اِستار مُبارک قاضی ئس
مخّاکہ غمٹ پا دیر ٸسک ، او یار مُبارک قاضی ئس
پُرانگا تُغ اٹ غم خاچاسوس، خُرکاو کریکہ دِریہو تِس
دا مَش تا تلار اٹ پِنّاکہ ، کُوکار مُبارک قاضی ئس
درد آ تون وطن نا سَر بُن ئس حاوال مُدامی چلتن تون
سردار نا اوڑے ڈس اَلّو ، سردار مُبارک قاضی ئس
اِستو نا کچاری پاریکہ دستار ءِ پُلانو سردار آن
سد ناز شرف و عزت اٹ ، دستار مُبارک قاضی ئس
ھر لمہ نا دڑدے پاروکا یا گار مروکا ورنا تا
یا لُوچ شپاد آ باتی تا غم خوار مُبارک قاضی ئس
