ریڈیو زْرمبش براہوئی | ریڈیو زْرمبش براہوئی,Fir-

بلوچ نسل کشی نا برخلاف بلوچ یکجہتی کمیٹی نا تربت آن کوئٹہ اسکان لانگ مارچ ئٹی اوار مروکا تیا ارٹمیکو ایف آئی آر خضدار ئٹی کننگا، ہرا ٹی دہشتگردی و اشتعال انگیزی نا دفعہ غاک اوار ءُ۔

ایف آئی آر ئٹی خضدار نا سیاسی باسک آتون اوار لانگ مارچ نا بست و بند کروکا تے ہم پن کننگانے، ہراٹی سمی دین بلوچ، ڈاکٹر صبیحہ بلوچ، گلزار دوست و پین 250 افراد بندغ اوار کننگانے۔

ایف آئی آر ئٹی بیگوہ رشید و آصف بلوچ نا ایڑ سائرہ بلوچ نا پن ہم ارے ہرا تدوکا نوزدہ دے آن اسلام آباد ئٹی برانزی کیمپ ئٹی ساڑی ءِ۔

دا بارو ئٹ سائرہ بلوچ نا پاننگ ءِ کہ ای تدوکا نوزدہ دے آن اسلام آباد پریس کلب نا مونا تینا ایلم تا آجوئی کن برانز آ تولوک اُٹ ولے کنا ایلم تے آجو کننگ نا جاگہ غا 2000 کلو میٹر مُر کنا پن ئے ہم خضدار ایف آئی آر ئٹی اوار کننگانے ہرا نن بلوچ آتیکن پوسکنو ہیت ئس اف۔

یاتی مرے داکان مُست لانگ مارچ ئٹی اوار مروکا تیا نال ئٹی ہم ایف آئی آر کننگاسس۔ 

اندن لانگ مارچ تربت آن شال آ سر مننگ آن گڈ داسا شال آن اسلام آباد نا کنڈ آ ہننگ ءِ۔ 

لانگ مارچ ئٹی اوار مروکا تا خواست ءِ کہ زوراکی ئٹ بیگواہ کننگوک بندغا تے آجو کننگ مرے و بیدس قانود خون تے بند کننگ مرے۔