گلی بلیدہ آن زوراکی ئٹ بیگواہ مروکا نو جماعت نا خوانندہ فتح ولد معیار نا باوہ معیار شہید فدا چار راہ آ بالاچ مولا بخش نا برانزی گِدان آ برِسا تینا مار ئنا رجسٹریشن ئے کرے۔
او ہیت کرِسا پارے کہ کنا مار فتح ئے 15 جون 2023 نا شام اوورسیز کالونی تُربَت آن پاکستانی لشکر نا کارندہ آک زوراکی ئٹ بیگواہ کرینو۔
او پارے کہ فتح اسہ کم عمر و بے گُنا او خوانندہ ئسے اودے زوت آجو کیر ۔
برانزی گِدان ئٹی پسنی آن بیگواہ مروک آ دودا خان ولد ناصر پسنی نا ہندی نا باوہ تینا مار ئنا رجسٹریشن ئے کرے و پارے کہ دودا ناصر ئے 15 نومبر نا ویگ اسہ ہندی مخبر ئس و پاکستانی لشکر پسنی آن بیگواہ کرینے ۔
ہرا داسکان بیگواہ ءِ۔
ہندُن منصور نا باوہ محمد انور تینا مار ئنا رجسٹریشن ئے وی بی ایم پی نا کیمپ ئٹی کرے ہرادے بلیدہ سوراپ آن 13 نومبر نا شام یک ءُ نیم بجہ نا وخت آ پاکستانی لشکر بیگواہ کرینے۔
اونا باوہ پارے کہ منصور نا ذاتی کاروبار مسُنے و او زمین داری کرینے۔
