تربت نا شہید فدا احمد چوک آ بالاچ مولا بخش نا سی ٹی ڈی نا دو آن عدالتی خون ئنا برخلاف برانزی کیمپ ئے اینو یانزدہ دے مس۔
دا وخت آ زوراکی ئٹ بیگواہ کننگوک بندغ آتا خاؤت آتون اوار ایف سی نا دو آن خون مروک ڈرائیور شعیب حمید نا خاؤت ہم برانز ئٹ ساڑی اسر۔
ایلو نیمہ غان پشتون تحفظ موومنٹ نا موہکش منظور پشتین چاگڑدی حوالکاری ویب سائیٹ ایکس آ تینا اسہ بیان ئسے ٹی پارے کہ سئے شمبے نا دے 5 دسمبر آ تربت ئٹی بلوچ برانز ئٹی اوار مروٹ۔
او پارے کہ بیدس آئین و عدالت ریاستی جبر نا ایسری کن، بیگواہ غا بندغ و محکوم قوم آتا قدرتی وسائل آتیا بے قانودی کوزہ نا برخلاف انشاءاللہ کُل محکوم و مظلوم قوم آک اوار ءُ۔ او پارے کہ کوئٹہ آن لانگ مارچ نا تفصیل ئے زوت ویڈیو کلہو ئٹ شنگ کرون۔
