کولواہ: قطبی مش تیٹی نادروست ءُ بندغ ئسے نا متکنو جون اس دو تمانے، ہندن گمان مریک دا بندغ کم از کم ارا توہ مُست کھسکونے۔
زرمبش حوالکار نا رد ئٹ نادروست آ جون ءِ شوانک خنانو کہ درخت ئسیے نا ماسا تموک مسونے۔ خرنو پچ بینوک مسونے تہ و سرغ آ تہ پُچ اس تفوک مسونے۔ بندغ آک جون ءِ دوٹی کننگ آن پد قبر کرینو۔ ہندن گمان مریک کہ جون زورانسری بیگواہ مروکو بندغ ئسے نا ءِ۔
حوال آتا رد ئٹ 2017 آن پد کولواہ نا ہندا جاگہ آ تیٹی پاکستانی لشکر نا چوکی مسونے۔ پاکستانی لشکر ہندی بندغ آتا چرینگ نا زی آ ہم رکھ خلکس داسا ارا توہ مُست پاکستانی لشکر تینا چوکی ءِ پارگ آن چست کریسس ولے خُڑک تنزلہ ئٹی پاکستانی لشکر نا پین چوکی اس ارے۔چوکی تن یلہ کننگ آن پد ہم ہندا جاگہ آ تیٹی لشکر کشی کن بسس۔
جون متکن مننگ نا سوب آن درست مننگ اف ولے بندغ آتا ہندا گمان ءِ کہ پاکستانی لشکر کھسفنگ آن پد جون ءِ بٹینے۔
