لسبیلہ خاصخیلی برادری نا کماش آک درشان ئسیٹی پاریر کہ منہ دے مُست بیلہ گدور ئٹی سندھ آن بروک بزغر کریم بخش خاصخیلی نا چھانڑدہ سالی آ مسڑ صنم ئے ہند ئنا وڈیرہ خلق آن اوغا کرے۔ ہرا نا رپورٹ ئے بیلہ تھانہ ٹی تننگا ولے مسہ دے گدرینگ آن پد ہم پولیس مسڑ ئے آجو کتو۔
خاصخیلی برادری نا کماش آک پاریر کہ بیلہ پولیس ایس ایچ او اوغا کروک آتے دزگیر کننگ اف، اگہ اوغا مروکا مسڑ آجو متو تو خاصخیلی برادری لسبیلہ حب ضلع تون اوار تیبہ سندھ، بلوچستان و ملک ئنا ایلو علاقہ تیٹی برانز کرو۔
