امریکی صدر جو بائیڈن سئے شمبے نا دے پارے کہ اسرائیل غزہ آ تینا " بمباری " نا سوب آن جہانی مُختفی ئے گوئنگ ءِ ۔
صدر سخت انگا لہجہ ئے ہمو وخت کارمرز کرے ہراتم اقوام متحدہ نا جنرل اسمبلی ٹی اسرائیل ایلو حماس نا نیام ئٹ جنگ ئے بندغی ہمدردی نا بنیات آ بند کننگ نا آ مُختفی آ بھازی ئٹ ووٹ تِننگا۔
صدر بائیڈن سئے شمبے آ 2024 نا تینا الیکشن مہم نا سلسلہ ئٹ اسہ فنڈ ریزنگ ئسینا وخت آ کُمک کروکا تیتون پارے ، اسرائیل نا سیکیورٹی نا انحصار امریکہ آ مننگ کیک ولے دا وخت اودے یورپی یونین ، یورپ ایلو بیشتر جہان نا مُختفی تُد ءِ۔
او پارے کہ دا مُختفی ئے او تینا مون بمباری آن گوہنگ ءِ و وزیراعظم نیتن یاہو دا ہیت ئے پوہ مریک ولے او اسرائیل نا جنگی کابینہ نا بابت ئٹ یخین تخپک ۔
اسرائیلی لشکر تیبہ غزہ ئے اجتماعی سزا نا رد ئٹ جلہو نا نشانہ کننگ ءِ ۔ فلسطینی تے اوفتا اُرا تیٹ خلنگ ءِ ۔
صدر تینا دا وارننگ ئٹ پارے کے اسرائیل ئے حد آن زیات رد عمل نا ہمو غلطی کروئی اف ہرادے امریکہ نائن الیون نا دہشت گرد جلہو تیان پد کرے۔
2024 نا الیکشن مہم ئٹ فنڈ ریزنگ نا پروگرام یہودی کُمک کروک آتا اسہ مُچی سینا بشخ اسک۔
