جنگ بندی آن پد غزہ ٹی اسرائیلی جلہو تان بیران مروکا تا کچ 178 مسُنے۔
دا بارو ئٹ غزہ ٹی حماس نا زیر انتظام حکومت پارے کہ جمعہ آ اسہ ہفتہ نا جنگ بندی آن پد بِناء مروک تُرند انگا اسرائیلی جلہو تیٹی مُسہ صحافی خلنگانو۔
او پارے کہ اسرائیلی فضائی جلہو تا بناء مننگ آن پد کم آن کم 178 بندغ بیران مسُنے۔
سرکاری پریس آفس مُسہ صحافی نا پجار ئے انا طولیہ سرکاری خبر رسان ایجنسی نا کیمرہ مین منتصر السواف ، ارانا ایلم مروان ، و کیمرہ مین عبداللہ درویش نا پن تے ئٹ مونا ہیس۔
او پارے کہ دافتا بیرانی آن پد 7 اکتوبر آ جنگ ئنا بناء مننگ آن پد بیران مروکا صحافی تا کچ 73 مس۔
ترک ایجنسی جمعہ نا دے آ صواف و اِرا پین بندغ نا خلنگِنگ نا پکائی ئے کرے ولہ او جنوبی غزہ نا ہیت ئے کتو۔
