بلوچ یکجہتی کمیٹی نا کنڈ آن حب چوکی ٹی 22 دسمبر آ برانز کننگ آ حب پولیس ایف آئی آر کرے ہراٹی پاننگانے کہ برانز کروکا بھوانی نا ہند آ دگ ئے بند کریر ہرا نا رد ئٹ ایف آئی آر کننگانے۔
ایف آئی آر ئٹی عارف بلوچ، عزت بلوچ ، ظفر مری و پین بندغ ئے پن کننگانے و 350 آن 400 بندغ آ کیس کننگانے۔
حب چوکی ٹی برانز اسلام آباد ئٹ بلوچ برانزی تتون اواری نا درشانی کننگ کن کننگاسس ہراٹی بیگواہ غا بندغا تا خاؤت آتیا و ایلو برانزی تیا پولیس بےدادی کرسا اوفتے دزگیر کریسس۔
یاتی مرے کہ داکان مُست نال، خضدار، سوراب، کوہلو ،ڈی جی خان ئٹی ہم بلوچ نسل کشی نا بر خلاف مارچ کروکا تے بخیرٹ و برانز ئٹ اوار مننگ آ بندغا تیا ایف آئی آر کننگاسس۔
