گْوادر : درو ویگ ئنا زوراک آ پاکستانی لشکر بلوچی زبان نا شعر پاروک دلجان دیدار تون اوار مُسہ ورنا ئے دزگیر کننگ آن پد بیگواہ کرے ۔
حوالکار نا رِد ئٹ زوراکی ئٹ بیگواہ مروک آ ورنا دلجان ولد درمحمد ، شاہ حسین ولد دُر محمد ایلم ءُ و یاسر ولد غلام محمد دا کُل اسہ خاوت نا بندغ ءُ ۔
8 دسمبر آ دا ورناک اسکوٹر آ تلاپی نگور آن جورکان نگور آ ہِننگ ئٹی مسُنو ہرافتے پاکستانی لشکر ویگ ئنا پنچ بجہ آ یوسف بازار نا کھیب آن بیگواہ کرینے۔
دا ورنا تا زوراکی ئٹ بیگواہی نا حال ئے گْوادر نا پنی آ حوالکار قادر راست کرے و تینا فیس بُک آ اوفتا فوٹو تے شنگ کرے۔
