بیگواہ آ فیروز بلوچ نا باوہ نور بخش تینا چُنا نا آجوئی نا حوال ئے نمن کرِسا پارے کہ کنا چُنا فیروز احمد 11 مئی 2022 آ ایرڈ یونیورسٹی راولپنڈی آن دزگیر کننگ آن پد زوراکی ئٹ بیگواہ کننگاسَس، یک ءُ نیم سال پورو مننگ آن پد اونا ہچو حال ئس اف۔
او پارے کہ 29 نومبر 2023 آ اٹارنی جنرل عدالت ئٹی 22 خوانندہ آتا آجوئی نا رپورٹ ئے جمع کریس ئس ہراٹی فیروز نا پن تُد اسک کہ او واپس تینا اُراغا سر مسنے، دا حوال غلط ءِ و فیروز داسکان بیگواہ ءِ۔
او پارے کہ خدا کِن کنا چُنا ہرا ادارہ تون ءِ اودے سلامتی ئٹ آجو کرسا کنے سر کننگے۔ اگہ او میار ئس کرینے اودے عدالت نا مونا ہتنگے۔ کنا چُنا نا لُمہ بھاز اذیت ئٹی ءِ۔
