شام ئنا پولیس نا تشدد آن پد دزگیر مروکا بلوچ برانزی تہ برخلاف اسلام آباد پولیس مقدمہ کرے ۔
پولیس نا نیمہ آن ہنوکا دے اسلام آباد آ سر مروکا بلوچ نسل کشی نا برخلاف لانگ مارچ نا برانزی تے آ اسلام آباد پولیس تھانہ کوہسار و ترنول ئٹی مقدمہ کننگ تون اوار پین کیس کننگا ۔
ہنوکا دے اسلام آباد آ سرمننگ و پدا پیہنگ نا کسر آ پابندی آن پد برانز آ تولوکا بلوچ برانزی تے پولیس تشدد کرسا 300 آن خُڑک نرینہ ، نیاڑی ، چُناتے دزگیر کرسا جتا جتا انگا تھانہ تیٹی بند کرے ۔
اسلام آباد پولیس کیہی گھنٹہ اسکان برانزی تے دزگیری ٹی ہلنگ آن پد مقدمہ نوشتہ کرینے کہ برانزی تا نیمہ آن پاکستانی لشکر و ملک دشمن نعرہ بازی مسُنے و پولیس آ جہلو کننگ نا دوبہ ئے ہم خلنگانے ۔
پولیس تینا ایف آئی آر ئٹی ارِا بندغ آتا دزگیری نا دعویٰ ئے کرینے و ایلو برانزیک نرانو۔
یاتی مرے کہ شام ئنا پولیس بلوچ یکجہتی کمیٹی نا تُربَت آن بروکا بھلا لانگ مارچ ئے اسلام آباد ئٹی پیہنگو کسر توننگ آن پد شام ئنا لٹ و کُٹ کننگا، لانگ مارچ نا بھلُنی ئے کروکا ڈاکٹر ماہرنگ بلوچ تون اوار بھاز انگا خوانندہ و بلوچ بیگواہ بندغ آ تا خاؤت آ تے دزگیر کننگانے۔
ہنوکا شام پولیس نا آنسو گیس شیلنگ و تشدد آن کیہی چُنا،زالبول و خوانندہ آک ٹپی مسُر ۔
