بائدے تینا خدائے پہہ مرے
آدم ءِ او تو حوائے پہہ مرے
لولی و نازینک اتو چیٹ ءِ تہ کے
بھلن ءِ کس تو چنائے پہہ مرے
باسُن ءَ است آتا تاس ءِ پُرّ کے
پہہ مرے بندغ خوائے پہہ مرے
زند ئنا سوداٹی نُسخانی مفک
کَس اگہ او بے بہائے پہہ مرے
نا فقیرے دونو کَس ئس اف کہ
است ئنا تہ بادشائے پہہ مرے
جان ءِ داڑے پہہ مریک ہر کَس ولہ
اف دنو کَس ئس کہ سائے پہہ مرے
آسمان نا شان ئسے بھلو ولہ
او ڈغاری ءَ صدائے پہہ مرے
کائہ کل دنیائے چرینگہ برے
کَس گڑا تینا اُرائے پہہ مرے
بے سَوَب اوغنگ ہلے کَسے اگہ
است بس اونا صفائے پہہ مرے
چاوہ ای باری نا ہر دڑدے ولہ
مشکل ءِ کہ او کنائے پہہ مرے
