چِلّہ شالی مرے گُڑا پاتہ
یخ جلالی مرے گڑا پاتہ
داکہ پُرّے نا دڑدئنا پیالہ
پِنّہ ، خالی مرے گڑا پاتہ
لَوز و معنی تا مَندر ءَ وَلّر
بڑز و بالی مرے گڑا پاتہ
پُھل ئس انجیر نا مرے گودی
خواجہ مالی مرے گڑا پاتہ
او کہ تُغ تیٹی ام بفک داسا
او حوالی مرے گڑا پاتہ
زندئنا پند و مرک ئنا مِزل
لازوالی مرے گڑا پاتہ
شیر مڑد آتو دُو پہ دُو اینو
شیرزالی مرے گڑا پاتہ
مَش تا دیوان جا ئکن تشبیہ
بوپ و غالی مرے گڑا پاتہ
نا کنا نیام ئٹی مثال آتا
بے مثالی مرے گڑا پاتہ
نا خڑینک آتا پِرتیان ایسر
خُشک سالی مرے گڑا پاتہ
دڑدئنا وارثی ءِ کے تینا
اُست والی مرے گڑا پاتہ
نا وطن نا بیان ئٹی آجو
مَہہ جمالی مرے گڑا پاتہ
