بلوچستان نا ضلع خضدار آن پاکستانی لشکر اِرا بندغ آتے دزگیر کننگ آن پد نا دُرست جاگہ ئسیا دریر و اِرا بندغ آجو مرسا تینا اُراغہ سر مسُر ۔
بیگواہ مروکا بندغ آتا پجار بادین خان ولد میر مشتاق احمد قلندرانی و جبران ولد لونگ خان نا پن ئٹ مس۔
ہندا بندغ آتے ہنوکا شام پاکستانی لشکر خضدار نا ہند سول کالونی آن دزگیر کننگ آن پد بیگواہ کریر اوکان پد اوفک بیگواہ ءُ۔
بیگواہ مروک آک خُضدار نا ہند توتک نا ہندیءُ ہرافتا خاؤت آک ہراڈے 18 فروری 2011 آ پاکستانی لشکر بھلو کچ ئسیٹی لشکر کشی کرسا 29 بندغ آتے زوراکی ئٹ بیگواہی نا گواچی کریر و نعیم بلوچ و یحیی بلوچ ئے خلکُر ۔
بیگواہ مروک آتیٹ مقصود قلندرانی ئے دزگیری نا وخت آ خلکُر 26 جولائی 2011 آ اونا تشدد مروکا جون ئے بٹیسُر ۔
ایلو نیمہ آ پاکستانی لشکر نا دُو آن ڈیرہ غازی خان آن زوراکی ئٹ بیگواہ آ اعجاز ولد سعید آجو مرسا تینا اُراغہ سرمس ۔یاتی مرے کہ اعجاز بلوچ ئے ستمبر 2023 آ پاکستانی لشکر نا کارندہ آک بیگواہ کریسُر۔
بیگواہ آ شعیب مگسی ہم آجو مس۔
