ڈی آئی خان: بلوچ یکجہتی کمیٹی نا نیمہ آن زوراکی ئٹ بیگواہ و دروغ ئنا مقابلہ تیٹی بیگواہ آ بندغ آتے خلنگ نا برخلاف برجاء انگا برانز ریلی ئے بخیرٹ کننگ آ پشتون راجدوست رہشون علی وزیر تون اوار کیہی پشتون سیاسی باسک آتا برخلاف ایف آئی آر نوشتہ کننگانے۔
بلوچ یکہتی کمیٹی نا سربراہ ڈاکٹر مہرنگ ایف آئی آر بابت ئٹ ہیت کرسا پارے کہ ای دا بندغ آتے پوہ مننگ افٹ کہ ننا نظریہ اوفتے کن تروند ءِ ولے ریاست نا زوراکی تے آ تینا خن تے بند کرینو۔
او پارے کہ ڈی آئی خان ئٹی ریلی نا بخیرکننگ آ علی وزیر تون اوار کیہی پشتون سیاسی باسک آتا برخلاف ایف آئی آر کننگانے۔ دا ریاست نا خُلیس اف گُڑا انت ئسے؟
