ریڈیو زْرمبش بلوچی | ریڈیو زْرمبش بلوچی

شال: بیگواھیں بلوچانی توار ( وی بی ایم پی ) ءَ وتی شنگ کرتگیں درشانے ءَ گوشتگ کہ مھمد جان ءِ کھول ءَ آئی زوریں بیگواھی ءِ کیس گل ءِ کِر ءَ یاداشت کرتگ ءُ گوں گل ءَ گوشتگ کہ مھم جان ء پیرجان 19 دسمبر 2023 ءَ شپ ءِ دوازدہ ءَ میری تربت ءَ چہ گس ءَ پاکستانی لشکر ءَ درکانودی آوار جتگ ءُ بیگواہ کرتگ۔

کھول ءِ گوشگ اِنت کہ مھم جان وتی پیریں مات ءُ پت، زھگانی والینوک بوتگ چہ آئی زوریں بیگواھی ءَ پد کھول سکا جنجالانی دیمپان اِنت۔

آئی ءَ گوشتگ کہ وی بی ایم پی ءَ مھم جان ءِ کھول دلجمی داتگ کہ گل ءِ نیمگ ءَ مھم جان ءِ کیس پہ زور بیگواھیں مردماں جوڑ بوتگیں کمیشن ءُ سرکار ءَ دیگ بیت۔ پہ آئی آجوئی ءَ درسیں جاھاں توار چست کن ایں۔