ریڈیو زْرمبش بلوچی | ریڈیو زْرمبش بلوچی

کیچ: تربت ءَ پاکستانی لشکر ءُ چیریں ادارھانی کارمنداں ورنایے آوار جتگ ءُ بیگواہ کرتگ۔

اھوالکار ءِ رد ءَ زور بیگواہ کنگ بوتگیں ورنا ءِ نام مھم جان ء پیرجان اِنت کہ کولواہ کڈ ءِ ھوٹل ءِ جھممنند اِنت۔ نوں دیر اِنت کہ لڈ ءُ بار اش کرتگ ءُ تربت ءَ شتگ اَنت۔ 19 دسمبر ءِ نیمروچ ءِ دوازہ ءَ پاکستانی لشکر ءُ چیریں ادارھانی کارمنداں تربت میری ءَ بیڑ برتگ ءُ چہ گِس ءَ آوار جتگ ءُ بیگواہ کرتگ۔ آئی ءِ زوریں بیگواھی ءَ یازدہ روچ سرجم بوتگ کہ انگت بیگواہ اِنت۔

زور بیگواھیں مھم جان ءِ بارو ءَ گوشگ بوگ ءَ اِنت کہ وتی پت ءِ یکیں بچک اِنت ءُ وتی گِس ءِ والینوک اِنت۔