کوھلو: زورگریں پاکستانی لشکر ءَ چار روچ پیش دو مردم آوار جتگ ءُ بیگواہ کرتگ کہ انگت بیگواہ اَنت
۔ بنشون ءِ رد ءَ زور بیگواہ کنگ بوتگیں مردمانی نام چُٹا ء ساھب مری ءُ ھیرجان ء میھڑ مری اِنت۔ زورگریں پاکستانی لشکر ءُ چیریں ادارھانی کارمنداں چہ کوھلو ءِ ھند جنتلی ءَ چار روچ پیش آوار جتگ ءُ بیگواہ کرتگ اَنت۔
زور بیگواھیں مردمانی بارو ءَ گوشگ بوگ ءَ اِنت کہ پیسر ءَ پاکستانی لشکر ءِ جوڑ کرتگیں کشندہ ٹولی ءِ کارمنداں تیرگواری کرتگ ءُ ٹپی کرتگ اَنت ءُ رند ءَ پاکستانی لشکر ءَ آوار جتگ ءُ بیگواہ کرتگ اَنت۔