ریڈیو زْرمبش بلوچی | ریڈیو زْرمبش بلوچی

سند: نوبشاہ ءِ ھند سکرنڈ ءِ متگ ماڑی جلبان ءَ پاکستانی لشکر ءُ چیریں اداراھانی کارمنداں سندی راجدوستیں سروک رجب جلبانی ءِ گس ءَ بیڑ برتگ ءُ تیرگواری کرتگ پنچ جنیناں ھوار ھپت مردم کشتگ۔

بنشون ءِ رد ءَ چہ ایشی ءَ پیش باز رند ءَ پاکستانی لشکر ءَ سند ءِ راجدوستیں سروک رجب جلبانی ءِ گِس ءَ بیڑ برتگ ءُ مردم زوراکی ءِ نشانگ کرتگ اَنت، یک رندے آئی ءِ جند ھم زور بیگواہ کنگ بیتگ۔

اے اُرش ءِ بارو ءَ وائس پار مسنگ پرسنز آپ سند ءِ جارکش سسی لوھار ءَ وتی شنگ کرتگیں درشانے ءَ گوشتگ کہ مرچی پاکستانی لشکر ءَ سکرنڈ ءَ پنچ جنیانی ھواری ءَ دو مردم ھم کشتگ اے مردمی ھکانی تچکیں لپاشگ اِنت۔

آئی ءَ گوشتگ کہ میان استمانی ادارہ ءُ مردمی ھکانی گل زوت دلگوش ءَ گور بہ کن اَنت۔ گوں سرجمیں سند ءَ اے زوراکی ءِ بگیری ءَ زھرشانی کنگ ءِ لوٹ ءَ کن ایں۔

بنشون: اھوالکار / اکس: اھوالکار