پنجاپ ءِ شھر لاھور ءَ بلوچستان ءَ سی ٹی ڈی ءِ دروگیں میڑاں زور بیگواھیں مردمانی ناھکیں کوش ءِ بگیری ءُ پہ شھید بالاچ ءِ کھول ءِ برجاھیں زھرشانی ءِ پلہ مرزی ءَ زھرشانی کنگ بوتگ۔ زھرشانی ءَ بلوچ یکجھتی کمیٹی ءِ کارکناں ھوار سیاسی ءُ چاگردی کرکن، نودربر ءُ لس مردماں بازیں کچے ءَ بھر زرتگ۔
زھرشانی کنوکیں مردماں سی ٹٰی ڈی ءِ دست ءَ شھید کنگ بوتگیں مردمانی اکس، بینر ءُ پلے کارڈ دستاں بوتگ اَنت کہ پلے کارڈانی سر ءَ جتائیں اوگام نبشتہ بوتگ۔ آ
یاں تران کرتگ ءُ گوشتگ کہ ما مدام زھرشانی کرتگ ءُ زوربیگواھیں مردمانی آمیدگس ءَ پیش کنگ ءِ لوٹ کرتگ۔ بلے زور بیگواھیں مردم چہ آجوئی اَ بید دروگیں میڑاں کشگ بوگ ءَ اَنت، ما اے وڑیں درکانودی کاراں گوں ترندیں دانکاں یرجنیں۔
آیاں گوشتگ کہ ما پہ زوربیگواھیں مردمانی آجوئی ءَ بلوچستان ءَ ھوار چہ بلوچستان ءَ ڈن مردمی ھکانی کارکن، سیاسی ءُ چاگردی کارکن، نودربر گل ءُ درسیں بھرگاں سیادی داروکیں مردماں لوٹ کن ایں کی توار چست بہ کن اَنت۔
آیاں گوں وتگڑیں سرکار ءَ لوٹ کرتگ ءُ گوشتگ کہ پہ زور بیگواھیں مردمانی ناھکیں کوش ءِ گر ءُ دار کنگ ءَ گامگیج بزور ایت ءُ بیگواھیں مردمانی آجوئی ءَ دلجمی بہ دنت۔
بنشون: اھوالکار / اکس: اھوالکار