سندھودیش روولیوشنری آرمی ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ انیٹیلجنس ءِ اھوتی ھالے ءِ رد ءَ گوستگیں شپ ءَ چہ پنجاپ ءَ کراچی کینٹ اسٹیشن ءَ آوکیں اوامی ایکپریس ءِ پنچ نمبر ءِ بوگی ( سیریل نمبر 2-111448 ) گوں بمب ءَ تباہ کنگ ءِ جھد کرتگ کہ اے بوگی ءَ پاکستانی لشکر ءِ سروگان ءُ کارمند سوار بوتگ اَنت۔
آئی ءَ گوشتگ کہ پنجاپی لشکر ءَ سند ءَ کارپوریٹ پارمنگ ءِ نام ءَ 13 لک ایکڑ زمین دستیگ کرتگ، سندی دھکانکاراں کشگ ءَ اِنت ءُ چہ سند ءَ راجدوستیں کارکناں زور بیگواہ کنگ ءُ دروگیں میڑاں کشگ ءَ اِنت۔
جارکش ءَ گوشتگ کہ ایس آر اے پنجاپیاں ھوار درسیں دری آبادکار ءُ باپاریاں کڈن کنت کہ آ سند ءِ سرڈگار، تیاب ءُ مڈیانی سر ءَ دستیگ ءُ لٹ ءُ پل ءَ یل بہ کن اَنت۔
ایس آر اے ءِ جارکش سوڈو سندی ءَ گوشتگ کہ داں سند ءِ سرجمیں آجوئی ءَ ما گھگیری جھد ءِ برجاہ دارگ ءِ کول ءَ کن ایں۔
