روکپتی بلوچستان ءِ بنجاھی شھر دُزاپ ءَ بلوچ ورنایے ءَ ھوار سَے مردم پاھو دیگ بیتگ۔
بنشون ءِ رد ءَ دزاپ بندیگجاہ ءَ پاھو دیگ بیتگیں بلوچ ورنا ءِ نام مھمد ناروی ء شاہ مھمد اِنت دزاپ ءِ جھمنند اِنت۔ اھوالکار ءِ گْوشگ اِنت کہ مھمد سَے سال پیش چہ زاھدان ءَ مردمے ءِ کُشگ ءِ میار ءَ دزگیر کنگ بیتگ ءُ آمیدگس ءَ پاھو ءِ سزا داتگ۔
انچو گْوشگ بیگ ءَ اِنت کہ مھمد ءِ ھواری ءَ پاھو دیگ بیتگیں آدگہ دوئیں مردم بیرجند ءِ جھمنند اَنت۔بلے آیانی نام انگت زانگ نہ بیتگ اَنت ءُ اے ھم زانگ نہ بیتگ کہ کجام میار ءِ پُژدر ءَ پاھو دیگ بیتگ اَنت۔
بنشون: دمگی اھوالکار | اکس: دامگ