ریڈیو زْرمبش بلوچی | ریڈیو زْرمبش بلوچی

روکپتی بلوچستان: ڈاکٹر مهرنگ ءُ گار ءُ بیگواھیں مردمانی کهولانی روانک ءِ پلہ مرزی ءُ پاکستانی لشکر ءِ دست ءَ بلوچ چکچینی ءِ بگیری ءَ دشتیاری ءَ دیوال نبیسگ بوتگ اَنت۔۔

اھوالکار ءِ رد ءَ روکپتی بلوچستان ءِ دمگ دشتیاری ءِ ھند باھو ءِ میتگاں بانُک مهرنگ ءِ پلہ مرزی ءُ بلوچ چکچینی ءِ بگیری ءَ دیوال نبیسگ بوتگ اَنت۔ دیوالانی سر ءَ بلوچی، پارسی ءُ اردو زبان ءَ گهگیری زندگ بات، بانک مهرنگ تهنا نہ انت، مهرنک جهد ءِ چیدگ اِنت، بلوچ چکچینی ءَ بند بہ کن اِت جتا جتائیں اوگام نبیسگ بوتگ انت۔

یات بہ بہ اِت کہ چہ ایشی ءَ پیش ھم روکپتی بلوچستان ءَ دمگ شستون ( سروان ) ءَ ھوار جتائیں ھند ءُ دمگاں دیوال نبیسگ بوتگ اَنت۔ اسلام آباد ءَ زھرشانی کنوکیں مردمانی سر ءَ پولیس ءِ بیڑ برگ ءُ زھرشانی ءَ نشتگیں مردمانی دزگیر کنگ ءِ بگیری ءَ رودر آتکی بلوچستان ءَ ھوار ءَ سند ءَ ھم زھرشانیانی درچ برجاہ اِنت۔