ریڈیو زْرمبش بلوچی | ریڈیو زْرمبش بلوچی

پنجاپ: شمبے ءِ سھب ءَ ادار سے ءَ میانوالی ءَ پاکستانی لشکر ءِ بالی پٹ ءِ سر ءَ سلاہ بندیں مردماں اُرش کرتگ ءُ میڑ برجاہ اِنت۔

بنشون ءِ رد ءَ تھریک جھاد پاکستان ءِ جارکش ملا کاسم ءَ ماں رسانکدر ءَ وتی شنگ کرتگیں درشانے ءَ اے اُرش ءِ زمہ واری منّ اتگ۔

دومی نیمگ ءَ پاکستانی لشکر ءِ رسانکدری بھرگ آئی ایس پی آر ءَ اے اُرش ءِ گپ راست کرتگ ءُ گوشتگ کہ سلاہ بندیں مردماں میانوالی ءَ پاکستانی لشکر ءِ بالی پٹ ءَ ھیلکاری جاہ ءَ مرچی بانگواہ ءَ اُرش کنگ ءِ جھد کرتگ۔ لشکر ءُ سلاہ بندانی میان ءَ جنگ برجاہ بوتگ ءُ اُرش بے سوب کرتگ۔

انچوش گوشگ بوگ ءَ اِنت کہ اُرش ءِ آسر ءَ پاکستانی لشکر ءِ باز کارمند مرتگ ءُ سے جنگی بالگرد ھم تباہ کنگ بوتگ۔ بنشون: دمگی اھوالکار / اکس: دامگ