ریڈیو زْرمبش بلوچی | ریڈیو زْرمبش بلوچی

منی نِز ءَ منی چاگِرد یک پدمنتگیں چاگِردے دُنیا تہ ءَ ما اگاں بہ چار اِیں مئے چگِرد ءِ تہ ءَ ھچ نیست مردم وَ ھست مردم زندگیں لاش اَنت، بزاں هُشکیں کامپول اَنت ءُ من وت ءَ یک نِزوریں مردمے سرپد باں کہ گُلزمیں ءِ سر ءَ برے اِد ءُ برے اود ءَ آں نہ زان آں اے دُنیا ءِ تہ ءَ چے بوگ ءَ اِنت۔ ما چے بہ کن اِیں ھر کَس گوں وتی کاراں دز گَٹ اِنت کَس ءَ کَسے ءِ سما نیست مئے میتگ ءِ تہ ءَ زھگ وَ سک باز اِنت بَلے ھُشکیں سَرگ اَنت نا وانگ ءِ شوک اش هست نا زانگ ءِ مئے میتگ پدمنتگ۔۔۔۔ مئے وَ راج یک پدمنتگین ءُ مانگیش اِتگیں راجے من چارگ ءَ آں اے دگہ راجاں وانگ ءِ کَمو باز وس ھست اِنت بَلے مئے میتگ ءَ وانگجاہ ءِ نام ءُ نِشان نیست وھداں یک وانگجاهے هست اَت ،چیزے نودربر ءَ کَمو باز دربُرتگ مرچاں ھما ھم بند اِنت ،مرچاں اے ٹیکنالوجی ءِ وھد اِنت انگت ھچ نیست مئے میتگ ءِ مردم چہ ٹکنالوجی ءَ وَ باز دیر اَنت ،بَلے مارا اپسوز بیت کہ وانگجاہ ھم نیست ھرچ زھگ شپانک جوڑ بوگ ءَ اِنت ،دومی مئے میتگ ءِ مستر ءُ کَماش ھم نہ زان اَنت وانگ ءِ بِستار چے اِنت۔ من جیڑ اِتگ کہ ما چون دیمروی کن اِیں مئے یک پدمنتگیں راجے پد ءَ مئے میتگ ھم یک پدمنتگیں میتگے۔ من جیڑ اِتگ کہ مارا وانگجاہ بوتیں بلکیں ما دیمروی کُتگ اَت ما وَ باز دیمروی کُت نہ کن اِیں پرچا کہ مئے راج گُلامیں راجے اگاں کَمو ءُ باز دیمروی بہ کن ایں پد ءَ ما دُژمن ءِ پادانی چیر ءَ اِیں سانکلاں بندیگ اِین ءُ ما زان اِیں ما کھر آماچیں زندگی ءِ گرانیں نوبت ءِ ودار ءَ اِیں ، ما گُلام ایں زھنی ءُ پگری دروشم ءَ گُلام اِیں ھرچ مردم گُش اِیت کہ راج گوں وانگ ءَ دیمروی کنت بَلے مارا وانگ ءِ جِند نیست ما وت نہ زان ایں ما چون بہ وان اِیں؟؟ سَیمی ءِ گَپ ایش اِنت کہ، آیاں کہ وانتگ آ گار ءُ بیگواہ کنگ بوتگ اَنت ءُ بیگواه کنگ بوگ ءَ اَنت ،گُڑّا مئے میتگ ءِ مردم اے وجہ ءَ ھم دلپروش بوگ ءَ اَنت، اگاں مئے وتی میتگ ءَ وانگ نیست ما نزیکتریں دربرجاھاں وتی هنکین ءِ زھگاں روان بہ دے ایں مئے زھگ گار ءُ بیگواہ بنت مرچی مئے دُژمن ءَ مئے بازیں مردمے ءَ زھنی نادْراہ جوڑ کُتگ۔۔۔ ما اے هاتر ءَ دیمروی نہ کن اِیں کہ ما زهنی گلام اِین ءُ تُرس ءِ آماچ اِیں کہ دژمن مارا پہ هُنپ بیگواه کنت پمیشکا ما چہ وانگ ءُ زانگ ءَ زبھر اِیں۔۔۔۔