ریڈیو زْرمبش بلوچی | ریڈیو زْرمبش بلوچی

مُراد در کپت چہ وتی لوگ ءَ دیم پہ دِگہ میتگے ءَ شُت پہ وانگ ءُ زانگ ءَ اَنچیں میتگے اود ءَ وتی اکس ءَ چہ بِید کَس ئِے نیست اَت۔ مراد مُدام ھمے جیڑ اِیت باریں مئے کدے چم پَچ بنت چہ واب ءَ پاد کا ایں۔ مُراد ءِ کَش ءَ مراد ءِ سنگت چاکر نِشتگ اَت ءُ چاکر ءَ کَند اِت ءُ گْشت دُنیا من ءُ تو نہ ایں۔ اے مُراد ءُ چاکر ءَ وتی وانگ سَرجم کُت وتی میتگ ءَ شُت اَنت شَپ ءَ سَر بوت اَنت ءُ وتی لوگ ءَ شُت اَنت ءُ وپت اَنت دومی روچ ءَ واب ءَ پاد آتک اَنت ءُ وتی میتگ ءِ مردماناں مُدام مُراد سکین ءُ سرپدی دنت چیزے روچ ءَ چہ پَد مُراد بیگواہ کنگ بوت!! یک روچے چاکر ءَ وتی مات جُست، کُت اما اے کَے پَرپٹ اَنت نہ شَپ زانت ءُ نہ روچ؟؟ چاکر ءِ مات ءَ پَسو دات منی چُک انوں لھتیں وھد بیت کہ اِد ءَ دِگہ دری ڈیھ ءِ مردم آتکگ اَنت ءُ مردماں نَشہ دے اَنت انوں لھتیں وھد بیت بازیں مردمے وتی زند ءَ چہ بیزار اِنت بازیں مردمے نَشہ ءِ آماچ اِنت۔ اے سَرجمیں کار ھمے دری ڈیھ ءِ مردمانیگ اَنت ۔ چاکر ءَ ھمے ھبر ءَ چہ زَھر گپت ءُ دیم پہ دری ڈیھ ءِ مردمانی گْور ءَ شُت گْشت ئِے شُما چونین اِت اِد ءَ آتگ اِت ءُ نَشہ بھا کن اِت؟؟ دری ڈیھ ءِ مردے ءَ گُشت، تو کَے ئے؟؟ اِد ءَ تئی کار نہ اِنت وتی زند ءَ رکینگ لوٹ ئے اِد ءَ چہ بُرو۔ چاکر مرد ءِ سر ءَ سک زھر گپت ءُ بدیں لَبز ئِے کارمرز کُت ءُ پد ءَ چاکر واتر بوت ءُ دیم پہ وتی لوگ شُت چیزے روچ ءَ چہ پد دری مردماں چاکر بیگواہ کُت چاکر ءِ مات ءَ مُدام گْشت تھاری ءَ رُژنائی وارتگ۔۔۔۔