ریڈیو زْرمبش بلوچی | ریڈیو زْرمبش بلوچی

ھست اَت یک مردے آ سکیں گریب ءُ نیزگارے اَت مدام جنگل ءَ شُت ءُ دار ئِے چِت ءُ بھا کرت وتی لاپ ئِے وارت آ مرد ءَ را کسَے نیست اَت بوت ءُ بوت نزیکیں جنگل ءِ دار ھلاس بوت اَنت اے یک روچے دِگہ جنگلے ءَ آ دار ءِ چنگ ءَ شت بلے آ جنگل چہ چرے میتگ ءَ سک دور اَت ءُ شت ھما جنگل ءَ ایشی ءَ دیست یک شیرے منی راہ ءِ سر ءَ وپتگ مرد ءَ سک ترس اِت مرد یک مزنیں دْرچکے ءِ سر ءَ سر کپت گُشگ ءَ لگ اِت من یک گریبے آں من ءَ مہ ور وتی سرجمیں ھال ئِے دات اَنت شیر ءَ گشت شر اِنت مُدام بْیا دار بہ چِن ءُ بھا بہ کن تئی نام ءَ کس نہ گِر ایت من ءُ تو سنگت ایں من تئی سَکی ءُ سوریاں شر زاناں مرد مُدام آتک ءُ دار ئِے چِت ءُ بھا کُت یک روچے مرد سک نادْراہ بوت لھتیں روچ ءَ دار ءِ چنگ ءَ نہ شت شیر ءَ جیڑ اِت چش مہ بیت کہ مرد سک نادراہ اِنت ءُ آئی ءَ کَس نیست شیر شُت ھمے میتگ ءَ یک لوگے ءِ کش ءَ گشت ئِے دار چن ءِ لوگ کُجام انت ؟دار چنت مرد ءَ ھمے گپ اشُکُت انت گُشت ئِے تو ادا ! شیر ءَ گُشت جی ھو تو گار ئے در ءَ نہ بوتگ ئے ؟مرد ءَ پسّو دات تو یک جنگلے ءِ رستر ئے تو اد ءَ چے ءَ آتکگ ئے ؟تئی بدیں بو من ءَ لگ اِیت من گندتر بیاں تو اد ءَ چے برو شیر ادا ءَ چے شت مرد شر بوت یک روچے دیم پہ جنگل ءَ مرد شت دیست ئِے شیر منی راہ ءِ سر ءَ وپتگ شیر ءَ گشْت من ءَ تیرے بہ جن من ءَ نہ جن ئے من ترا وراں مرد ءَ شیر ءَ را تیرے جت شیر اد ءَ چے شُت دگہ یک جنگلے ءَ آ شیر سے سال ءَ پد ھمے جنگل ءَ آتک گشت ئِے بہ چّار تو ٹپ گِند ئے یا ناں مرد ءَ چاراِت ءُ مرد ءَ گُشت من ھچ نہ گند آں شیر ءَ گُشت من ھما شِیراں تو گُشت تو اد ءَ چی ءَ آتکگ ئے؟؟ تو یک جنگلی رسترے ئے تئی بو من ءَ لگ ایت من گنتر بیاں بہ چار تئی تیر ءِ ٹپ شر اِنت بلے زبان ءِ ٹپ شَر نہ اِنت اَنگت ءَ شیر ءَ مرد ءَ را وارت ءُ پد ءَ اد ءَ چے شُت۔۔۔۔