ریڈیو زْرمبش بلوچی | ریڈیو زْرمبش بلوچی

ارب امارات: بلوچی زبان ءِ نمیرانیں شائر ء آشوب مبارک کازی ءِ یات ءَ گوستگیں شپ ءَ مزن ھور ءِ اجمان ءَ دیوانے برجم دارگ بیتگ۔ دیوان ءَ مردماں مبارک کازی ءِ اکسانی دیم ءَ ڈیوا بالینگ ءُ ستک شانی ندر کرتگ۔

دیوان ءَ مردماں راجی سوت ونتگ ءُ پہ شائر ء آشوب مبارک کازی ءِ ارواہ ءِ آسودگی ءَ دوا لوٹگ اِتگ۔ مبارک کازی ءِ ازم ءِ سر ءَ تران کرتگ ءُ آئی ءِ کرد ساڑاتگ۔

یات بہ بہ اِت کہ بلوچستان ءَ شائر ء آشوب مبارک کازی ءِ نمیرانی ءَ پد پہ آئی ءِ یات ءَ جتائیں ھند ءُ دمگاں روانک کشگ ءُ دیوان برجم دارگ برجاہ اِنت۔ ھمے درچ ءَ اجمان ءَ ھم دیوانے برجم دارگ بیتگ۔

بنشون: اھوالکار / اکس: اھوالکار