آواران: جاؤ ءَ دو جتائیں جاھاں زورگریں پاکستانی لشکر ءَ بیڑ برتگ ءُ چار مردم آوار جتگ ءُ بیگواہ کرتگ۔
اھوالکار ءِ رد ءَ زورگریں پاکستانی لشکر ءُ چیریں ادارھانی کارمنداں جاؤ ءِ وادی ءَ دوشی گسے ءَ بیڑ برتگ ءُ گوں مردماں زوراکی کرتگ جاوید ء بابو نامیں ورنایے آوار جتگ ءُ گوں وت برتگ کہ انگت بیگواہ اِنت۔ زورگریں پاکستانک لشکر ءَ بیڑ برگ ءِ وھد ءَ گسانی پٹ ءُ پول کنگ ءِ ھواری ءَ گوں آدگہ مردماں زوراکی کرتگ۔
بنشون ءَ یک شمبے ءِ روچ ءَ زورگریں پاکستانی لشکر ءُ چیریں ادارھانی کارمنداں جھل جاؤ ءَ نودوانی میتگ ءَ بیڑ برتگ ءُ مھمود ء پتھ مھمد نامیں ورنا یے ءَ ھوار آئی دگہ دو مھمان آوار جتگ ءُ بیگواہ کرتگ۔ مھمانانی بارو ءَ گوشگ بوگ ءَ اِنت کہ کولواہ ءِ جھمنند اَنت۔ #BalochistanCrisis
بنشون: اھوالکار / اکس: ھوالکار