ایمنسٹی انٹر نیشنل ءَ وتی شنگ کرتگیں درشانے ءَ گوشتگ کہ ایمنسٹی ءَ21 دسمبر ءَ اسلام آباد ءَ بلوچانی روانک ءِ زھرشانی کنوکانی بگیری ءَ کانود ءِ پھازداریں ادارھانی نیمگ ءَ زور ءِ کارمرز کنگ ءَ سکا بژن اِنت۔
آئی ءَ وتی درشان ءَ گوشتگ کہ ایمنسٹی ءَ اے تامربند چارتگ اَنت ایشانی تہ ءَ زھرشانی کنوکیں مردمانی بگیری ءَ آپ ءِ کینن، چمی گیس ءُ لٹ شاپ کنگ گندگ بوگ ءَ اِنت۔ آجوئی، پھازداری ءُ زھرشانی ءِ ھکانی بگیری کرتگ ءُ درزنانی کچ ءَ مردم دزگیر کرتگ ءُ باز مردم ٹپی بوتگ، آیانی تہ ءَ جین، کسانیں زھگ ءُ کماش ھوار اَنت۔
آئی ءَ گوشتگ کہ ایمنسٹی انٹرنیشنل لوٹ کنت کہ پاکستان سرکار درسیں زھرشانی کنوکیں مردماں زوت یل بہ کنت ءُ آیانی بگیری ءَ تیوک ءَ آجوئی ءُ زھرشانی ءِ ھک ءِ کارمرز کنگ ءَ جتگیں بھتام ھلاس کنگ بہ بنت۔ درسیں درکانودی کوش ءُ زوریں بیگواھیانی بارو ءَ پٹ ءُ پول کنگ بہ بیت۔ تیوک ءَ بلوچستان ءَ میان استمانی لوٹانی رد ءَ درکانودی کوش ءِ سانمند ءُ زور بیگواھیں مردمانی کھولانی گون ءَ انساپ کنگ بہ بیت۔
