ریڈیو زْرمبش بلوچی | ریڈیو زْرمبش بلوچی

کابل: اوگانستان ءِ بنجاھی شھر کابل ءَ بمب تراکے ءَ ھپت مردم بیران ءُ بیست مردم ٹپی بوتگ۔

جھانی رسانکدر ءِ رد ءَ بمب تراک شپ ءَ کابل ءِ ھند دشت برچی ءَ مھمد الی جناہ نادراھجاہ ءِ دیم ءَ ابدالالی مزاری دگ ءَ مھتاپ دمک ءَ کوسٹر گاڑی یے ءِ تہ ءَ بوتگ۔ تراک ءِ آسر ءَ ھپت مردم بیران بوتگ۔

اُرش ءَ پد تالبان لشکر ءَ شھر انگر کرتگ ءُ پٹ ءُ پول کرتگ، ٹپی بوتگیں مردم پہ درمان کنگ ءَ نادراھجاہ ءَ برگ بوتگ اَنت۔

بنشون: جھانی رسانکدر/ اکس: دامگ