بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ باجو بیتگیں سرمچار مھمد جان ء رسول بکش بلوچ راج ءِ بگیری ءَ میار باری چیست ءُ ایراں ھوار بیتگ، آئی ءِ سُر ءُ پُرانی سر ءَ چم سَک داتگ اَنت ءُ دو شمبے ءِ روچ ءَ میناز بلیدہ بازار ءَ تیر گْواری کُرتگ ءُ کُشتگ۔
آئی ءَ گوشتگ کہ باجو بیتگیں سرمچار مھمد جان پیش ءَ بی ایل ایپ ءِ گون ءَ بندوک بیتگ۔2016 ءَ سلاھانی چگل دیگ ءَ پد پاکستانی لشکر ءِ کمکاری ءِ کِرد ءَ پیلو کنگ ءَ بیتگ۔راجی سرمچاراں زور دیگ ءَ ابید پاکستانی لشکر ءِ لشکری کارانی کمک کنوک بیتگ۔
جارکش ءَ گوشتگ کہ بی ایل ایپ آئی ءِ کوش ءِ زمہ واری ءَ منّ ایت ءُ ریاست ءِ دُرسیں کمکاراں کڈن کنت کہ راجدروھیں چیست ءُ ایراں یل بہ کن اَنت اگاں نہ بی ایل ایپ آیانی بگیری ءَ تُرندیں اُرشاں برجاہ کنت ءُ آیاں آیانی میار باری ءِ سزا ءَ دنت۔
میجر گھرام ءَ گوشتگ کہ راجدروھیں مردمانی موت تُرسناک بیت ءُ چہ ایشی ءَ آیانی آوکیں پدریچ ھم شرمندگ بیت۔پہ بلوچ راج ءِ ھمک مردم ءَ ھژدری اِنت کہ ھر پیم ءَ بلوچ راجی زْرمبشت ءِ ھمراھداری ءَ بہ کن اَنت اگاں کسے چہ وتی نزوری یے ءِ سْوب ءَ زْرمبشت ءِ ھمراھداری ءَ کمک نہ کنت گڑا دژمن ءِ کمکار جوڑ مہ بیت ءُ وتی آؤکیں باندات ءَ تھار دیمگ مہ کنت۔بی ایل ایپ تچک کنت کہ راجی سیتانی بگیری ءَ ھچ پیمیں چیست ءُ ایر اوپار کنگ نہ بیت۔
