ریڈیو زْرمبش بلوچی | ریڈیو زْرمبش بلوچی

چہ شھیدی آں مئے جوزگ نِزور بوت نہ کن اَنت ءُ پہ ماتیں سرڈگار ءِ دیمپانی ءَ شھیدی پہ ما پھرے ءِ گپے۔ مرید بلوچ راجدوستیں لشکر ( بی این اے) ءِ جارکش مرید ماں رسانکدر ءَ وتی شنگ کرتگیں درشانی ءَ گوشتگ کہ 19 جون 2022 ءَ یکشمبے ءِ روچ ءَ پنجگور ءِ ھند پروم ءِ کوہ انجیرہ ءَ مئے ءُ ھمبلیں گَل بی ایل ایپ ءِ سرمچار چو مدامی ئیں وڑ ءَ گَشت ءَ بیتگ اَنت کہ گوں پاکستانی لشکر ءُ آئی زرگِپتیں کشندہ ٹولی ءِ کارمندانی گوں ءَ دیم پہ دیم بیتگ اَنت یک دراجکشیں میڑے بندات بیتگ۔ اے دراجکش ءُ ھونریچیں میڑ ءَ زورگیریں لشکر ءُ آئی ءِ کشندہ ٹولی ءِ کارمنداں بازیں کچے ءَ جانی ءُ مالی تاوان بیتگ، پہ سرڈگار ءِ دیمپانی ءَ ساجد پنام سگار ءَ ھوار ھمبلیں گل بی ایل ایپ ءِ پنچ ھمبل سرمچار کپٹن زھور ھمل پنام بالی ، اکبر پنام ھمل، سکینڈ لیپٹیننٹ ساجد مھمود پنام سمیر ، سابر کادر پنام تاھیر ، اتاء پنام ناسر شھید بیتگ اَنت۔ جارکش ءَ گوشتگ کہ شھید ساجد جان پنام سگار ء ھسین جھمنند چتکان پنجگور چہ گوستگیں دو سالاں بلوچ راجدوستیں لشکر ءِ پَتر ءَ گوں سلاہ بندیں جھد ءَ ھمگرنچ بیتگ۔ آ یک جوانمرد ءُ کاری ئیں سرمچارے بیتگ ءُ پہ بلوچستان ءِ آجوئی ءَ دژمن ءِ بگیری ءَ سلاہ بندیں چِست ءُ ایرانی تہ ءَ آئی ءَ وتی زمہ داری جوانیں وڑے ءَ پیلو کرتگ اَنت ءُ داں گُڈی ساہ ءُ ھون ءِ گُڈی ترمپ ءَ دژمن ءِ بگیری ءَ جنگ ءَ بیتگ۔ جارکش ءَ گوشتگ کہ بلوچ راجدوستیں لشکر ساجد پنام سگار ءُ شھید بیتگیں ھمبلاں ستک شانی ءُ سھریں دْروت ندر کنت۔ یکبرے پد ءَ ھمے کول ءَ کنت کہ زورگر ءِ بگیری ءَ داں گڈی تیر ءُ گڈی سرمچار ءَ مئے سلاہ بندیں اُرش گوں ترندی ءَ برجاہ بنت۔ بنشون: درشان / اکس: زْرمبش