ریڈیو زْرمبش بلوچی | ریڈیو زْرمبش بلوچی

دستی بمب ءِ پانگس ءِ تہ ءَ کپگ ءَ یک کارمنْدے مرتگ ءُ یکے ٹپی بیتگ۔ مرید بلوچ بلوچ راجدوستیں لشکر ( بی این اے ) ءِ جارکش مرید ماں رسانکدر ءَ وتی شنگ کرتگیں درشانی ءَ گوشتگ کہ سرمچاراں دوشی یکشمبے شپ ءِ ادار ھشت ءُ نیم ءَ کراچی ءِ پھمیانیں ھند لیاری ایکسپریس وے ءِ ٹول پلازہ ءَ برجاھیں پولیس ءِ پانگس ءِ سرا دستی بمب ارشے کرتگ کہ آ پانگس ءِ تہ ءَ کپتگ۔ ارش ءِ آسر ءَ یک کارمَنْدے مرتگ ءُ یکے ٹپی بیتگ۔ مئے چیریں باسکے ءِ گوشگ اِنت کہ گارڈن لیاری ایکسپریس وے دَگّ کہ پہ لشکری ترامگیجاں کارمرز بیت ءُ ھمے ٹول پلازہ ءَ ھرچی کہ زْر (ٹیکس) یکجاہ بیت آ لشکری ترامگیجاں رس انت ءُ پہ بلوچ چُکچینی ءَ کارمرز بیگ ءَ اَنت۔ جارکش ءَ وتی درشان ءِ گُڈی ءَ گوشتگ کہ مئے اے وڑیں کاروائی داں بلوچ وتن ءِ آجوئی ءَ برجاہ بنت۔ بنشون: درشان | اکس: زْرمبش