گزہ: شانزہ روچ اِنت کہ اسرائیل ءِ جنگی بالگردانی بمبگواری یکشل ءَ برجاہ اَنت۔
اسرائیلی لشکر ءِ بمبگواریانی سوب ءَ دگہ ھشتاد ءُ پنچ مردم بیران بوتگ۔ جھانی رسانکدر ءِ رد ءَ گزہ ءَ اسرائیل ءِ اُرشانی آسر ءَ داں انوں چارھزار، ھپت سد ءُ چل مردم بیران بوتگ کم چہ کم چاردہ ھزار مردم ٹپی بوتگ۔
ھماس ءِ گوشگ اِنت کہ اسرائیل ءِ نیمگ ءَ تیوگیں شپ ءَ بمبگواریانی سوب ءَ کم چہ کم پنجاہ ءُ پنچ مردم بیران بوتگ۔ اے درگت ءَ اکوام متھدہ ءِ گوشگ اِنت کہ روکپتی پھنات ءَ باھوٹیانی گدان ءَ اسرائیل ءِ اُرشاں پنچ زھگاں ھوار سیزدہ مردم بیران بوتگ۔
روکپتی پھنات ءَ اسرائیلی لشکر ءِ تیرگواری ءُ مسیتے ءَ میزائل اُرش ءَ شش پلستینی بیران بوتگ۔
گزہ پٹی ءِ ھند ھان یونس ءَ اسرائیلی لشکر ءِ بمبگواریانی آسر ءَ یازدہ پلستینی بیران بوتگ۔
بنشون: جھانی رسانکدر / اکس: دامگ
