گزہ: ھماس ءَ امریکہ ءِ دزگیر کرتگیں دو جنین گتر سرکار ءِ گون ءَ مسامے ءِ رد ءَ پہ مردمگری ءِ بنیاد ءَ یل داتگ اَنت۔
جھانی رسانکدر ءِ رد ءَ ھماس ءِ جنگی ونگ ءِ جارکش ءَ وتی درشان ءَ گوشتگ کہ دوئیں جنین گتر سرکار ءِ گون ءَ یک مسامے ءِ رد ءَ پہ مردمگری ءِ بنیاد ءَ یل داتگ اَنت۔ آئی ءِ گوشگ اِنت کہ گتر ءُ مسر ءِ گون ءَ ھواری ءَ دزگیر بوتگیں شھریانی یل کنگ ءِ سر ءَ کار کنگ ءَ ایں۔
ھماس ءِ نیمگ ءَ یل کنگ بوتگیں امریکی جنین وت ما وت مات ءُ چکے کہ آ گزہ ءِ سیمسر ءَ اسرائیل ءِ جھگیر ءِ دست ءَ دیگ بوتگ اَنت، چہ ھمود ءَ آ اسرائیلی لشکر ءِ بنجل ءَ برگ بوتگ اَنت۔
امریکی یل کنگ بوتگیں جنینانی بارو ءَ انگت ءَ سرجمیں ھال شنگ کنگ نہ بوتگ بلے یل بوتگیں جنینانی اکس شنگ کنگ بوتگ اَنت۔
بنشون: جھانی رسانکدر اکس: دامگ
