ریڈیو زْرمبش بلوچی | ریڈیو زْرمبش بلوچی

بلوچ آجوئی لشکر ( بی ایل اے ) ءِ جارکش آزاد ءَ ماں رسانکدر ءَ وتی شنگ کرتگیں درشانے ءَ گوشتگ کہ 23 دسمبر ءَ مئے سرمچاراں زورگپتیں بلوچستان ءِ ھند دکی ءِ وڑیک ءَ پہ تیل ءِ درگیجگ ءَ آتکگیں شرکت ءِ سر ءَ اُرش کرتگ۔

آئی ءَ گوشتگ کہ اُرش ءَ سرمچاراں شرکت ءِ درزنانی کچ ءَ گرانھادیں مشین ءُ سامان مانداشتگ اَنت۔

جارکش ءَ گوشتگ کہ بی ایل اے یک رندے پد ءَ تچک کنت کہ زورگپتیں بلوچ سرڈگار ءِ سر ءَ بلوچ راج ءِ رازیگ بوگ ءَ اَبید دُژمنیں ریاست ءَ ھوار ھچ وڑیں زورگرے ءَ مڈیانی پٹ ءُ پول کنگ ءُ لٹ ءُ پل ءِ موکل ءَ نہ دنت۔ بگیری کنگ ءِ دروشم ءَ ھرکس وتی جان ءُ مال ءِ تاوان ءِ زمہ وار وت اِنت۔