ریڈیو زْرمبش بلوچی | ریڈیو زْرمبش بلوچی

ڈیرہ بگٹی: سوئی ءَ زورگریں پاکستانی لشکر ءُ چیریں ادارھانی کارمنداں بگٹی کالونی ءُ پھونگ کالونی ءَ ھوار جتائیں جاھاں بیڑ برتگ ءُ باز مردم آوار جتگ ءُ بیگواہ کرتگ۔

اھوالکار ءِ رد ءَ زور بیگواھیں مردمانی تہ ءَ ھپت مردم ءِ نام بازو ء مھران بگٹی، نزر الی ء بژیر بگٹی، نور اللہ ء سیدھان بگٹی، الی جان ء توشو بگٹی، گلام مستپا ء مھر الی بگٹی، میر اھمد بگٹی ءُ نزر مھمد بگٹی اِنت۔ زورگریں پاکستانی لشکر ءَ بیڑ برگ ءِ میان ءَ جنین ءُ زھگ ھم لٹ شاپ کرتگ اَنت۔ #BalochistanCrisis