بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کیچ ءِ ھند تربت ءُ زامران ءَ دو جتائیں اُرشاں زورگریں پاکستانی لشکر نشانگ کرتگ۔
آئی ءَ گوشتگ کہ دوشی بی ایل اے سرمچاراں تربت شھر ءَ تالیمی چاراہ ءَ دُژمنیں لشکر گوں گرنیڈ لانچر ءِ گولاھاں نشانگ کرتگ۔ تراکانی آسر ءَ پانگس ءَ ڈن ساڑی ئیں یک کارمندے جاھی مرتگ ءُ سے ٹپی بوتگ۔
جارکش ءَ گوشتگ کہ دگہ یک اُرشے ءَ زی بی ایل اے ءِ سرمچاراں زامران ءِ ھند ساہ دیم ءَ شش ءِ نزیک ءَ زورگریں پاکستانی لشکر ءِ پانگس ءِ سر ءَ گوں مزنیں سلاھاں اُرش کرتگ۔ اُرش ءَ بنجل ءِ پھازداریں پانگس ءَ ساڑی ئیں یک کارمندے مرتگ ءُ دُژمن ءَ گیش جانی ءُ مالی تاوان بوتگ۔
بی ایل اے ءِ جارکش جیھند ءَ اُرشانی زمہ واری منّ اتگ ءُ گوشتگ کہ ھمے کول ءَ کن ایں بلوچستان ءَ داں زورگریں پاکستانی لشکر ءِ سرجم ءَ در آھگ ءَ مئے اُرش برجاہ بنت۔