بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں تربت ءُ گْوادر ءَ دو اُرشاں زورگریں پاکستانی لشکر ءُ یک دُژمن ءِ چاریگے گوں دستی بمب ءَ نشانگ کرتگ۔
آئی ءَ گوشتگ کہ دوشی بی ایل اے ءِ سرمچاراں تربت شھر ءَ تالیمی چاراہ ءَ زورگریں پاکستانی لشکر ءِ کارمند ھما وھد ءَ گوں دستی بمب ءَ نشانگ کرتگ اَنت کہ آ پانگس ءِ نزیک ءَ مچ بوتگ اَنت۔ تراک ءِ آسر ءَ چار دُژمن ءِ کارمند ٹپی بوتگ۔
جارکش ءَ گوشتگ کہ دگہ یک اُرشے ءَ 17 دسمبر 2023 ءِ شپ ءَ بی ایل اے ءِ سرمچاراں گْوادر شھر ءَ بلوچ وارڈ ءَ زورگریں پاکستانی چیریں ادارھانی کمکار گوں دستی بمب ءَ نشانگ کرتگ۔ اے کمکار ءَ وتی دروشم مٹ کرتگ ءُ ھجام ءِ دکانے ءَ چاریگی کنگ ءَ بوتگ۔
بی ایل اے ءِ جارکش جیھند ءَ دوئیں اُرشانی زمہ واری منّ اِتگ ءُ گوشتگ کہ داں سرڈگار ءِ آجوئی ءَ زورگریں پاکستانی لشکر ءُ آئی شریدارانی سر ءَ مئے اُرش برجاہ بنت۔
