بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ بیست ءُ دو ءُ بیست ءُ سَے دسمبر ءِ میانی شپ ءِ دو ءُ نیم ءَ سرمچاراں گوادر نیوٹاؤن ءَ انٹی نارکوٹیکس ءِ کارگس ءِ سر ءَ دستی بمب اُرشے کُرتگ۔
آئی ءَ گوشتگ کہ انٹی نارکوٹیکس ءَ اے ماڑی چیزے وھد پیش چار کروڈ کلدار ءَ چہ ھمد ءِ جھمنندے ءَ زرتگ ءُ ایشی ءَ یک کارگسے ءِ بستار ءَ کارمرد کنگ ءَ اِنت۔ ھندی شَپُکانی کمک ءَ کشندہ ٹولی ءِ پُرکار کنگ ءَ انٹی نارکوٹیکس ءِ بلاھیں کِردے کہ ھمک روچ بلوچانی آوار جنگ ءُ شھید کنگ ءَ ھوار اَنت۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ پاکستانی لشکر ءُ آئی ءِ کمکارانی سر ءَ اُرش برجاہ بنت۔
