بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ زی 17 دسمبر ءِ شپ ءِ نوہ ءُ چِل ءَ سرمچاراں گوادر پکیر کالونی ءَ (ملٹری انٹیلیجنس) ایم آئی ءِ کارمندانی سر ءَ بمب اُرشے کُرتگ۔
آئی ءَ گوشتگ کہ ایم آئی ءِ اے کارمند پکوڈہ ءُ چپس بھا کنگ ءِ نیمون ءَ کار ءَ بیتگ اَنت۔گل ءِ چیریں ٹولی ءَ سَے ماہ بیت کہ ایشانی سر ءَ وتی چم سَک داتگ اَنت، پجارگ ءَ پد دوشی سرمچاراں اُرش کُرتگ۔
جارکش ءَ گوشتگ کہ اُرش ءَ پد ایم آئی ءِ کارمنداں دُرسیں راہ ءُ در بستگ اَنت ءُ مردمانی موبائل چار اِتگ اَنت۔
آئی ءَ گوشتگ کہ سرمچاراں کارشونی ءِ رِد ءَ ایم آئی ءِ کارمندانی سر ءَ ھما وھد ءَ اُرش کُرتگ وھدے آ وتی دکان ءَ بند کنگ ءَ بیتگ۔داں کہ مردم چہ تاوان ءَ رکینگ بہ بنت۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ زورگریں پاکستانی لشکر ءُ آئی ءِ کمکارانی سر ءَ مئے اُرش گوں تُرندی ءَ برجاہ بنت۔
