بلوچستان آجوئی سنگر (بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچءِ ھند تمپ ءَ زورگریں پاکستانی لشکر ءِ سر ءَ اُرش کُرتگ ءُ یک کارمندے مرتگ ءُ دو ٹپی بیتگ۔
آئی ءَ گوشتگ کہ آدینگ ءُ شمبے ءِ میانی شپ ءِ ھپت ءَ سرمچاراں تمپ ءَ کلات ءِ چیر ءَ برجاھیں ایکسچینج پانگس ءِ سر ءَ اُرش کُرتگ۔ اُرش ءَ سرمچاراں ٹوھین ءُ نوکیں سلاہ کارمرد کُرتگ، ترندیں اُرش ءَ دُژمنیں لشکر ءِ یک کارمندے مُرتگ ءُ دو ٹپی بیتگ۔
جارکش ءَ گوشتگ کہ پروش وارتگیں لشکر ءَ وتی جانی ءُ پہ پروش وارتگیں لشکریانی دلبڈی ءَ مرچی مچکدگ ءُ جنگل ءَ لشکرکشی بندات کُرتگ ءُ مردم زوراکی ءِ نشانگ کُرتگ اَنت۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ زورگریں لشکر ءَ پہ ایمنی نندگ ءَ نیل ایں۔
