ریڈیو زْرمبش بلوچی | ریڈیو زْرمبش بلوچی

آواران: زورگریں پاکستانی لشکر ءَ لال جان نامیں ورنایے وتی بنجل ءَ لوٹائینتگ ءُ بیگواہ کرتگ، آئی زور بیگواھیں برات مھمد کاسم یل داتگ۔

اھوالکار ءِ رد ءَ زور بیگواہ کنگ بوتگیں لال جان ء ھکیم دراجکور ءِ جھمنند اِنت کہ آیاں دیر اِنت کہ زور لڈینگ ءُ آواران بیدی ءَ آرگ بوتگ اَنت۔ لال جان ءَ پاکستانی لشکر ءَ راھوت کرتگ ءُ زی آواران ءِ مزنیں بنجل ءَ لوٹائینتگ ءُ بیگواہ کرتگ آئی ءِ زور بیگواھیں مستریں برات مھمد کاسم ءَ آدینگ ءِ بیگاہ ءَ یل داتگ۔

بنشون ءِ رد ءَ 9 نومبر ءِ شپ ءَ زورگریں پاکستانی لشکر ءُ چیریں ادارھانی کارمنداں آواران ءِ بیدی ءَ بیڑ برتگ اَت ءُ مھمد کاسم ء ھکیم ءُ آئی زھگ اکرم آوار جتگ ءُ بیگواہ کرتگ اَنت۔ اکرم ء مھمد کاسم 21 نومبر ءَ آجو بوتگ ءُ کاسم مرچی آجو بوتگ۔

بنشون: اھوالکار / اکس: اھوالکار