ھاران: دو سال پیش سی ٹی ڈی ءِ دست ءَ زور بیگواہ کنگ بوتگیں ورنا شاہ پھد آجو بوتگ۔
اھوالکار ءِ رد ءَ آجو بوتگیں شاہ پھد بابو میتگ ھاران ءِ جاہ منند اِنت کہ 16 مارچ 2022 ءَ سی ٹی ڈی آئی گس ءَ بیڑ برتگ ءُ آوار جنگ ءَ پد بیگواہ کرتگ۔
شاہ پھد ءِ زوریں بیگواھی ءِ کھول ءَ ھاران ءَ ھوار آدگہ جتائیں شھراں بیوکیں زھرشانیاں بھر زرتگ۔
ریاستی ادارھانی نیمگ ءَ پہ زھرشانیانی پژدر ءَ آئی کھول مدام بیھار دیگ بوتگ اَت کہ بے توار بہ بہ اِت۔ پہ زور بیگواھیں مردماں جوڑ بوتگیں کمیشن ءَ آئی ءِ کیس سی ٹی ڈی ءِ جاہ ءَ پجار نہ بوتگیں مردمانی نام ءَ نبشتہ کرتگ اَت۔
