پسنی/ ھب چوکی: پاکستانی لشکر ءُ چیریں ادارھانی کارمنداں چار مردم آوار جتگ ءُ بیگواہ کرتگ۔
اھوالکار ءِ رد ءَ چہ پسنی ءَ زور بیگواہ کنگ بوتگیں مردم ءِ نام دلسرد ء بودل اِنت کہ دوشی پاکستانی لشکر ءُ چیریں ادارھانی کارمنداں بازیں کچے ءَ گس ءَ بیڑ برتگ ءُ زوراکی کنگ ءَ پد دلسرد آوار جتگ ءُ بیگواہ کرتگ۔
ھمے وڑ ءَ ھب چوکی ءَ پاکستانی لشکر ءِ جوڑ کرتگیں چیریں ادارھانی کارمنداں سے مردم آوار جتگ ءُ بیگواہ کرتگ۔ زور بیگواھیں مردمانی نام رپیک بگٹی، الی ء اھمد ءُ ھزار ھان ء گلام مھمد بگٹی اِنت۔
بنشون ءِ رد ءَ اے سئیں مردم 25 اپریل ءَ ساکران، ھب چوکی ءَ ھوٹلے ءَ نندوک بوتگ اَنت کہ چیریں ادارھانی کارمند دو ویگو گاڑیانی سر ءَ آتکگ اَنت ءُ آوار جتگ ءُ بیگواہ کرتگ اَنت۔
