ھاران: شھید نور الھک پنام بارگ ءِ کھول ءَ شھید نورالھک پنام بارگ ءُ شھید زیاالرھمان پنام دلجان ءِ شھیدی ءِ ششمی سالروچ ءِ درگت ءَ دیوانے برجم داشتگ۔
اھوالکار ءِ رد ءَ شھید نور الھک پنام بارگ ءِ کھول ءَ شھیدان ءَ ششمی سالروچ ءِ درگت ءَ ستک شانی ندر کرتگ، شھیدانی اکسانی دیم ءَ ڈیو بالینتگ ءُ اکسانی سر ءَ پل شانتگ۔
یات بہ بہ اِت شھید نور الھک پنام بارگ ءُ شھید زیاالرھمان پنام دلجان ٹک تیر 19 پروری 2018 ءَ ھزدار ءِ ھند زھری تراسانی ءَ پاکستانی لشکر ءِ گون ءَ دیم پہ دیمی میڑے ءَ شھید بوتگ اَنت۔
